شركة المستشار للتسويق والاستثمار العقارى تكرم المتميزين فى مبادرة سوقلى شكرا
شركة المستشار للتسويق والاستثمار العقارى تكرم المتميزين فى مبادرة سوقلى شكرا

شركة المستشار للتسويق والاستثمار العقارى تكرم المتميزين فى مبادرة سوقلى شكرا

رفع بتاريخ 2021-12-01 18:28:07

كتب- عصام فرغلى 

كرم المهندس  أسامه محمد ، رئيس مجلس إدارة شركة المستشار للتسويق والاستثمار العقارى بأسيوط ، منسقي المشروع الشبابى  لمبادرة سوقلى شكرا من أعضاء فريق التسويق  ومعاونيهم المتميزين في مساندة ودعم العملاء  لإنجاز مبادرة الشركة " سوقلى شكرا" 

، الأمر الذي كان له بالغ الأثر في النجاح المبهر الذى تحقق على أرض الواقع، حيث أن مجموعات الشباب   حققت أهدافها المنشودة تحت شعار: "نحن هنا معكم"، والتي ساهمت في توفير فرص عمل   ما يقرب من 60 شاب وفتاة  وقامت بتدريب أكثر من 300 شخصا حتى الآن.

وقال المهندس أسامه محمد ، إنه يأمل أن يستمر هذا الجهد المحمود وعلى أرض الواقع بين طبقات المجتمع الأولى بالرعاية لمعاونتها في رفع مستواها وتحسين دخلها بحصولها على فرصة التعلم والتدريب لتحقيق حياة كريمة لكل مواطن مصري يعيش على أرض هذا الوطن.

إلتقته أسرة الوسيط الدولى فى مكتبه  للتعريف "بمبادرة سوقلى شكرا " فقال :

"أنا اسمي أسامة شاب عندي ٣١ سنة 

شغال في مجال العقارات بقالي ١٥ سنة تعبت علشان يكون عندي خبرات وحاليًا صاحب شركة المستشار للتسويق العقاري في أسيوط ومؤسس مبادرة ( سوقلي ) الفكرة هي أني حاولت أساعد في أني أوفر فرص عمل  لناس كتير محتاجة تشتغل وناس تحسن من دخلها ولكن الظروف مش مساعداها ففكرت ليه مساعدش الناس دي وكمان وهي من بيتها ومن شغلها ومن أي مكان بس محتاج حد صبور وطموح وفكرت في تسويق عقارات علي النت واحنا اللي بندربك علي كل خطوة وكمان متاح تيم ليدر لكل جروب عندهم خبرات وواصلنا الحمدلله فوق ال ٥٠ شاب وبنت في أقل من شهرين وكمان بنضيفك في أهم أماكن للتسويق " جروبات متخصصة في العقارات " واحنا هنساعدك وهنضيفك فيها وهتنزل الاعلانات " إحنا بنوفرهالك كاملة من كل التفاصيل " وهتنزل رقمك علشان أي حد هيحتاج تفاصيل " هتقولة ممكن رقم حضرتك وخدمة العملاء هتتواصل معاك في أقل من ٢٤ ساعة " أنا عندي خدمة العملاء هتتواصل مع العميل اللي وفرته وجبته عن طريق التسويق واحنا اللي بننزل نعاين ونخلص كل حاجة ولو حصل نصيب بيكون ليك نسبة عمولة مقابل تسويقك للاعلانات وتنفيذ العميل واحنا لينا مقر علشان تبقي مطمئن ،، وبكدة نكون وفرنا فرص عمل وتدريب لناس كتير مش لاقية شغل ومنها عملنا عملية تنشيط في مجال العقارات وتسويقها وكمان توفير طلب العميل بسرعة فائقة ومعلومات صحيحة"

وإلى لقاء أخر فى مبادرة شبابية على صفحات الوسيط الدولى

اترك تعليق

التعليقات